السلام عليكم ورحمة الله وبركاته
عجبنى هذا الموضوع فى أحد المنتديات
لمعرف اسمه" فينوم "
بارك له وجزاه كل خير
و إن شاء الله يكون اضافة لكل فوركساوى
بسم الله الرحمن الرحيم
صباح الخير علي الجميع اتمني ان الكل يكون في احسن حال و تكون الجلسة مربحة للجميع ان شاء الله - انا قولت بما ان الجلسة خضرا و الناس مزاجها حلو و بناء علي تجربة قصيرة (حوالي 8 شهور) ومتواضعة بالنسبة للكثيرين لكني و الحمد لله منذ ان بدأت في البورصة و انا احقق ارباح جيدة خصوصا مع ظروف السوق الغير جيدة وهذا لأني التزم بعدد من المباديء اقدمها لكم حتي يتذكرها الاخرون لعلهم يستفيدون منها
الرزق ده بتاع ربنا اول واخيرا و كل ما علينا هوا السعي وراءه لاكن لاداعي لحرقة الدم و العصبية والانفعال مثلما يفعل البعض لأن لو فيه جنيه مش مكتوبلك ان تاخدوا مش هتاخدوا لو عملت ايه لذا فلنتوكل دائما علي الله
الفرص لا تنتهي فلا داعي للعجلة و مش معني ان سهم طلع اننا نجري وراه اومعني ان سهم نزل اننا نشتريه المهم اننا حتي لو اشتريناه وهو طالع جنيه يكون لسا ان شاء الله هيطلع 10جنيه مش نشتريه وهو نازل جنيه و يكون لسا هينزل 10جنيه
الشراء دائما يكون و السوق احمر و البيع دائما و السوق اخضر و المبدأ ده فرق معايا انا بالذات كتيير جدا لأني اول ما دخلت البورصة كنت اول ما اقول السوق اخضر و الاسهم بدأت تطلع كنت اقوم شاري و ده اكبر غلط لان مهما السوق طلع لازم هيدخل في فترة تصحيح و الذكي هوا اليي هيستني فترة التصحيح دي ويدخل فيها
مثال: يعني مثلا لما حسني مبارك تعب و قالك ده فيه اشاعات و السوق نزل جامد سهم زي الاسماعيلية للدواجن مثلا نزل ل 95 جنيه تقريبا تاني يوم اولما السوق اتحسن السهم طلع علي طول ل 107 جنيه يعني تقريبا مكسب 9% في يوم واحدو دي حتة اتعلمتها و هوا ان السوق كله خير وعمره مبيزعل حد لو احمر يبقي هنشتري ولو اخضر يبقي هنبيع علشان كدا انا عيزكوا تحبوا السوق
الالتزام بنقاط وقف الخسارة اهم من اي حاجة تانية في الدنيا- نقطة وقف الخسارة عامله زي حزام الامان او الايرباج في العربية لو حصل حاجة هيا اللي بتحميك نقاط وقف الخسارة هيا برده اللي بتحميك من الخسارة
انا عارف الناس بتفكر ازاي ( و انا طبعا كنت بفكر كدا لغاية متعلمت) يقول لنفسه السهم ينزل جنيه ولا اتنين مسيره بكره هيعلي تاني او يقولك مهما نزل اكيد هيعمل الدورة زمنية بتاعته و هيرجع يطلع تاني - ماش كلام سليم بس انا ايه اللي يخلين احبس فلوسي في السهم عما يلف دورته ويرجع يطلع تاني , عما يعمل الدورة الزمنية دي تكون فيه فرص كتير راحت عليا
مثال: انا اشتريت سهم(سهم المشروعات) ب 20 و نقطة وقف الخسارة 19 في الازمة قلي فاتت السهم نزل ل 15 تقريبا
عميل 1: باع عند 19 بخسارة 1 جنيه و استني السهم عند 15 و اخده تاني لما السهم اتحرك و بقي ب 19 او 18 جنيه هيبقي كسبان 2او 3 جنيه وده بعد طرح الخسارة الاولية
عميل 2:لما السهم كسر ال19 فضل في السهم و قالك استني ينزل ويطلع تاني لماالسهم يكون ب 17 مش يعرف يبيع لانه هيبقي خسران2 جنيه فهيضر يستني السهم لما يعدي ال 19 ولو حصل و بقي السهم ب 19 او 18 هيكون خسران 1-2 جنيه -
انا عارف ان فيه نازل بتزعل لما تبيع بخسارة و بيحس بزعل جامد و بإكتئاب وكدا وانا من الناس دي لاكن احسن حاجة انك متحسبش نفسك بالقطعة يعني متبصش لكل عملية لوحدها احسن حاجة انك تحاسب نفسك كل 6 شهور او سنة يعني من شهرواحد لشهر ستة تشوف عملت كام عملية وكسبت كام وخسرت كام سعتها موضوع نقطة وقف الخسارة دى مش هيديقك زي الاول
الشراء علي الاشاعة والتصريف دايما علي الخبر
6.knowledge is the power so keep educating yourself
ايوا القوة في المعرفة لو انتا فاهم انتا بتعمل ايه هتبيع وانتا مطمن وهتشتري وانتا مطمن و مش هتبقي معتمد علي فلان او علان انه يديلك التوصية ولما يغيب تبقي محتار ومش عارف تتصرف انا لسا في المرحلة دي علي فكرة )لازم تتعلم مبادئ المجال اللي انتا فيه يعين لو انتا واخد الموضوع هواية مش لازم تعمل دكتوراه في التحليل الفني لاكن يكفيك انك تعرف المبادئ علشان حتي لما تشوف شارت مرفوع في اي حتة لما تلاقي عليه تعليق تبقي فاهم ايه اللي بيتقال و انا بقول الكلام ده علشان اشجع نفسي و اشجع الاخوة الاعضاء علي تعلم اساسات التحليل الفني و كمان التحليل الاساسى .
الهلع و الطمع اهم اعداء البورصجيةو ده بيحصل جامد جدا و مع ناس كتير ان اول ما السوق ينزل تلاقي الناس كلها بتبيع بيع عشوائي و ده بيخلي السوق ينزل اكتر و بييبهدل الدنيا و كمان الطمع يعني المفروض طول ما السهم طالع انتا متفضلش تتفرج عليه اول ما يطلع جنيه تبيع حتة و بلاش تطمع يعني مثلا كان مستهدفك 20 جنيه و ناس قالت السهم هيجيب 22 متستناش و قول الحمد لله انك كسبان و بيع و انتظر مكسب تاني في فرصة تانية
هذه الرسالة تفيد بأنك غير مشترك في منتديات فوركساوي. لتسجيل الرجاء اضغط هنـا
