منتديات فوركساوي - forex -تقرير يومى - تحليل فنى - تحليل اساسى - تحليل موجى - تحليل يومى > فوركساوي العام طريقة مستوى 38 فيبوناتشى التصحيحى مع المضاعفات

فوركساوي العام مناقشات حية ومتنوعة عن كل ما يتعلق بالتحليل الفني والأساسي بسوق العملات العالمية

آخر 10 مشاركات بانتظار محضر اجتماع البنك المركزي البريطاني (الكاتـب : التحليلات والاخبار - آخر مشاركة : effelvenulp - )           »          التقرير الاخبارى اليومى Fr 13 Nov (الكاتـب : التحليلات والاخبار - آخر مشاركة : paymnGomjoync - )           »          قبيل الجلسة الأوروبية: بانتظار بيانات قطاع العمالة البريطاني (الكاتـب : التحليلات والاخبار - آخر مشاركة : Unlanyenlaf - )           »          العملات الرئيسية تفقد العزم أمام الدولار (الكاتـب : التحليلات والاخبار - آخر مشاركة : Engammapoob - )           »          التقرير الاخبارى اليومى Mon 16 Nov (الكاتـب : التحليلات والاخبار - آخر مشاركة : Jekalelsspers - )           »          التقرير الاخبارى اليومى We 11 Nov (الكاتـب : التحليلات والاخبار - آخر مشاركة : undulpglype - )           »          صعود الذهب من ادنى مستوى له في 4 أشهر مع صعود اليورو (الكاتـب : ecostatusat - )           »          مؤشر اسعار المنتجين لابد ان يؤكد نظرة البنك الفدرالي لمعدلات تضخم متدنية (الكاتـب : التحليلات والاخبار - آخر مشاركة : owenpaywoke - )           »          التقرير الاخبارى اليومى Thu 19 Nov (الكاتـب : التحليلات والاخبار - آخر مشاركة : gellaRemlix - )           »          البنك المركزي الأوروبي يخفض توقعاته بشأن انكماش منطقة اليورو خلال العام الحالي (الكاتـب : التحليلات والاخبار - آخر مشاركة : TampAidemia - )

صفحة 1 من 26 1 2 3 4 5 6 7 11 > الأخيرة »   LinkBack أدوات الموضوع انواع عرض الموضوع 29-06-2009, 11:59 AM   #1 (permalink) Misho Elmasri فوركساوي قديــر   طريقة مستوى 38 فيبوناتشى التصحيحى مع المضاعفات من منطلق Make it Simple واعتمادا على مستويات فيبوناتشى التصحيحية الساحرة وباللجؤ الى طريقة المضاعفات الشهيرة فى فن ادارة الصفقات استخلصنا تلك الطريقة السهله و البسيطة و المربحة = كثيرا منا تحدث عن المضاعفات وانواعها و طرقها و متوالياتها المختلفه وايضا كثيرا منا تحدث عن مستويات الفيبوناتشى التصحيحيه ومنا من خص بالذكر مستوي 38 التصحيحى ايضا واستخدمه دون غيره فى المتاجره فالموضوع ليس بجديد ولا مبتكر وانما هو جمع لعدة اساليب مختلفه للمتاجره اعتمادا على مستويات الفيبوناتشى التصحيحه فقط لتحديد نقطة الدخول .. و الاعتماد على المضاعفات فقط فى فن ادارة الصفقة و الخروج الناجح دائما بنسبة خسارة 0 % خليكوا معاى شويه عشان كمان كام سطر هنعرف ازاى هنعلم ع السوق بالسلاح اللى فى الصورة الرمزية بتاعتى التعديل الأخير تم بواسطة Misho Elmasri ; 28-07-2009 الساعة 12:16 PM.   29-06-2009, 12:00 PM   #2 (permalink) Misho Elmasri فوركساوي قديــر   رد: طريقة مستوى 38 فيبوناتشى التصحيحى مع المضاعفات دائما وابدا فى رأيى الشخصى ارى واؤكد بشدة على اهمية نقطة الدخول فى الصفقات عموما وارى انها تفوق نقطة الخروج اهمية بمراحل فنقطة الدخول المميزة دائما ما تعطيك امكانيات عديدة انت بحاجه لها فأذا كانت نقطة دخولك مميزة .. فمن السهل تحديد نقطة خروج مميزة سواء كانت بربح ( فيكون الربح كبير قدر الامكان ) او كانت بخسارة لا قدر الله ( فتكون الخسارة بسيطة قدر الامكان ) .. ودائما ما تعتمد النقطة الثانية على الاولى .. اذا ما اعتبرنا ان نظام العمل يعتمد على كم من النقاط تتقبل خسارتها ؟ = ولكن عندما يكون الحديث على المضاعفات اذا يتلاشى الستوب لوس وعندما يتلاشى الستوب لوس يكون السؤال الاول و الاخير حتى قبل التفكير فى نقطة الدخول نفسها كيف سنخرج من الصفقة ؟ لذلك ومع الحديث عن استخدام المضاعفات .. تكتسب نقطة الخروج اهمية قصوى وتفوق اهميتها اهمية نقطة الدخول وبكل جدارة .. لذلك سوف يكون اهتمامنا الاول فى حديثنا هذا عن توضيح فكرة المضاعفات وكيفية وطرق تطبيقها   29-06-2009, 12:00 PM   #3 (permalink) Misho Elmasri فوركساوي قديــر   رد: طريقة مستوى 38 فيبوناتشى التصحيحى مع المضاعفات مع المضاعفات ومن الاخر كدا .. ما فيش ستوب لوس لكن فى تنظيم .. الموضوع مش هيصه يعنى تنظيم اساس عمله هو ان ما اخذه منى السوق سوف اخذه مره اخرى واخذ ضعفة فى الجولة التالية .. عن طريقة زياده نسبة الدخول او بمعنى اخر مضاعفة عدد العقود ولنفترض اننا بعنا الدولار ين من سعر 95.50 بعقد مينى واحد ولنفترض اننا اذا وضعنا ستوب لوس سوف نضعه عند 96.00 بس احنا وللاسف مش هنحط ستوب لوس هنقعد نتفرج كدا على السعر وهو بيعكس علينا لحد ما يوصل 96.00 وهنرقص زى الايموشن دا اه ما احنا مش فى دماغنا بقى .. عارفين ليه ؟؟ عشان مش هنقفل الصفقه على خساره على افتراض اننا نعمل بطريقة المضاعفات العادية وليست المضاعفات العكسية ( هنشرحها تحت شويه ) يبقى لما السعر يوصل 96.00 وبكل بساطة هنبيع تانى الدولار ين ولكن ب 2 لوت مينى .. ونشرب كباية شاى .. ونكمل مشاهدة امامنا احتمالاين فى هذه الحالة الاولى ان يعود السعر ليسير فى اتجاه الصفقة مرة اخرى ويوصل لنقطة دخولنا القديمة 95.50 .. فاكرينها ؟ وفى الحالة دى هيكون عندنا 1لوت بيع = 0 بيب 2 لوت بيع = 50 بيب بروفت يعنى كسبانين ملله وهووووووووب نقفل كل العقود القديم والجديد وكله .. الثانية ان السعر يكمل بكل برود ويطلع كمان ويوصل 96.50 بكل بجاحه برده فى الحاله دى ولا فى دماغنا .. هنعمل ايه بقى ؟؟ الاول مش هنعيط زى الايموشن دا وبعد كدا هنبيع الدولار ين لتالت مره لكن المرادى ب 4 لوت مينى وفى هذه الحالة ايضا امامنا احتمالاين .. الاولى ان السعر يعود مره اخرى للسير فى اتجاه دخولنا وينزل حتى 96.00 وفى الحالة دى هيكون عندنا 1لوت = -50 بيب خسارة = -50 $ 2 لوت = 0 بيب = 0 $ 4 لوت = +50 = +200 $ المجموع = +150 $ يعنى برده كسبانين ملله .. رغم ان السعر لم يقترب حتى من نقطة دخولنا الاولى وهى 95.50 وبرده هنقفل كل العقود بالربح المحقق وهى دى المضاعفات يا عم الحاج ازاى تقدر تخرج من صفقتك بربح فى حالة عكس السعر عليك ودون وصول السعر مرة اخرى الى نقطة دخولك واكيد هيطلع واحد ويقول .. ايه يا عم انت الربح خدك مننا و نسيت الحالة التانيه ولا ايه ؟ هقوله لا طبعا .. الحالة التانية وهى ان السعر يكمل صعوده ويوصل 97.00 .. هنعمل نفس اللى عملناه فى المره التانيه و التالته وهبيع بضعف العقود وهكذا لحد ما السعر يخلى عنده شوية دم ويمشى معانا بس 50 نقطة .. 50 نقطة فقط ونتخلص من كل العقود = فى الرد دا شرحنا مثال بسيط لاستخدام المضاعفات العادية ( وليست العكسية ) مع المتوالية 1 - 2 - 4 - 8 - 16 ...... بس فى ناس مش مكيفه من الحوار و الطريقة دى من المضاعفات مش عاجباها اوك يا جماعه الامل لسه موجود ان الموضوع يعجبكوا .. استعدوا للبوست القادم التعديل الأخير تم بواسطة Misho Elmasri ; 28-07-2009 الساعة 12:17 PM.   29-06-2009, 12:01 PM   #4 (permalink) Misho Elmasri فوركساوي قديــر   رد: طريقة مستوى 38 فيبوناتشى التصحيحى مع المضاعفات انواع المضاعفات للمضاعفات نوعين 1- مضاعفات عادية 2 مضاعفات عكسية 1- المضاعفات العادية هى مضاعفة العقود فى نفس اتجاه الصفقة ويمثل مثال الدولار ين السابق احد نماذج المضاعفات العادية فعندما نبيع ويعكس علينا السعر .. نستمر فى البيع مع مضاعفة نسبة الدخول فى كل مرة تبعا للمتوالية التى نستخدمها ( سيتم التطرق للنقطة الخاصة بالمتواليات اسفله ) وعندما نشترى ويعكس علينا السعر .. نستمر ايضا فى الشراء مع مضاعفة نسبة الدخول فى كل مرة تبعا للمتوالية التى نستخدمها الى ان يسير السعر فى صالح صفقتنا عدد من النقاط يساوى او يزيد عن عدد النقاط التى تفصل كل مرحلة من المضاعفات ونقوم باغلاق كافة العقود اعتمادا على الربح القوى من اخر عملية للمضاعفة .. لدينا فى المضاعفات رقمين هامين جدا مرتبطين تماما ببعضهما .. الرقم الاول هو عدد النقاط التى نضاعف عنده .. وهو الاجابه على سؤال .. بعد كم عدد من النقاط يعكسها علينا السعر نقوم بالمضاعفه او الشراء او البيع مره اخرى ..وفى مثال الدولار ين السابق كان الرقم 50 وعندما يكون الرقم الفاصل بين كل مرحله من مراحل المضاعفة 50.. اذا يجب ان يكون الهدف الذى نستخدمه للخروج من الصفقات ايضا 50 او او او او يزيد عن 50 .. ولكن يفضل الا يقل ملاحظة هامة جدا تعتمد المضاعفات العادية على التذبذب والتصحيح فاذا كنت من عشاق المضاعفات العادية فالتذبذب صديقك و التصحيح حبيبك وابن عمك كمان .. واما الرالى و الاتجاه القوى فهو الد اعداءك فنطرية المضاعفات العادية اساسها هو ان السعر لابد وان يصحح من مساره ولابد وان يقع فى فخ التذبذب ولو لفتره بسيطه وهذا التصحيح وهذا التذبذب كافى وبكل بساطه وسهوله لان تخرج سليما ورابحا من الصفقه 2- المضاعفات العكسية فى هذا النوع من المضاعفات لا تتوقف الصفقه على اتجاه واحد .. البيع او الشراء مثل ما سبق وانما هذه الطريقة تتحلى بنوع من المرونه فعلى سبيل المثال اشترينا الكيبل من سعر 1.5200 ب 1 لوت مينى و عكس السعر علينا وهبط الكيبل الى 1.5100 .. فى حالة المضاعفات العاديه .. نقوم بالشراء مره اخرى ولكن فى حالة المضاعفات العكسية .. المفاجأه اننا سوف نقوم بالبيييييييع نعم بالبيع مع مضاعفة العقود .. فالمضاعفات العكسية تقوم على تغيير اتجاه الصفقة باسمترار فى حالة اذا ما عكس السعر وعند البيع مع المضاعفة ب 2 لوت نكون عمليا قمنا بعملتين فى عملية واحده الاولى تهديج عقد الشراء الاول مع احد عقود البيع .. وبهذا يكون الاثنين خارج الحسبات مع خسارة معلقة 100 بيب للوت واحد و الثانية بيع عقد 1 منفرد من الزوج وفى هذه المرحلة لابد وان يكون الهدف اكبر من عدد النقاط الفاصلة بين كل مرحله من مراحل المضاعفات فاذا استمرينا فى تطبيق ما ورد فى هذا المثال .. سوف نفترض ان الهدف ضعف عدد النقاط الفاصله بين كل مرحله من مراحل المضاعفات .. وليكن 200 بيب اذا لدينا خسارة عقد واحد فقط ( معلقة 100 بيب ) ومكسب عقد واحد فقط ( 200 بيب ) مع صافى ربح للعقود كلها 100 بيب للوت واحد فقط يعنى 100 دولار .. برده مكسب ملله طيب واحد هيقولى .. افرض السعر بعد المرحله التانيه من المضاعفة طلع مره تانيه ووصل لنقطة الدخول الاولى هقوله كدا هيبقى عندنا خساره معلقة 100 بيب للوت واحد .. للمرحله الاولى من المضاعفات و عندنا كمان خساره 100 بيب للوت اخر من المرحلة التانيه من المضاعفات و المرحله التالته من المضاعفات هتكون شراااااااء مره اخرى بعدد عقود مضاعف وليكن 4 لوتات مينى .. لانه كما ذكرنا اننا فى المضاعفات العكسية لا نستمر على اتجاه واحد اكثر من مرحلة واحده طيب فى الحالة دى ايه اللى هيحصل اولا عندنا عقد من المرحله الاولى خسران 100 بيب وعقد من المرحله التانيه خسران 100 بيب يعنى توتال خساره 200 بيب لعقد واحد فقط طيب احنا عملنا ايه لما اشترينا تانى 4 لوتات برده عملنا عمليتين فى عملية واحده طبعا احنا متفقين اننا مهدجين العقود ومش باقى لنا غير عقد واحد فقط بيع غير مهدج لما نشترى 4 عقود يبقى هدجنا العقد دا وثبتت خسارته على 100 بيب مع اخوه القديم وبقى عندنا 3 لوتات لونج مع خساره 100 بيب للوتين طب لو السعر طلع معانا 100 بيب هيبقى عندنا 3 لوتات كسبانين 100 بيب يعنى 300 دولار مع خساره 200 بيب يعنى 200 دولار مجموع ربح 100 دولار طب خليكوا معاى شويه لو استمرينا على مضاعفة الهدف ايضا بالنسبه لعدد النقاط بين مراحل المضاعفة .. وخلينا الهدف 200 بيب هيبقى الصافى المكسب 400 دولار وطبعا لو استمر السعر وعكس علينا شغالين معاه لحد ما ياخد اتجاه معين ويخلص الصفقه ويخلصنا ويريحنا بقىىىىىىىى وطبعا كالعاده .. مع تحقيق الهدف يتم اغلاق كافة العقووووود ملاحظة هامة المضاعفات العكسية عكسيه بمعنى الكلمه للمضاعفات العاديه فكما علمنا ان المضاعفات العادية تعتمد على التذبذب والتصحيح فان المضاعفات العكسيه تعتمد وبشده على الرالى و الحركه القويه فى اتجاه واحد فقط واساس العمل على المضاعفات العكسية هو انه مهما تذبذب السعر لابد وان يأخذ اتجاه واضح وسريع وقوى وهذا ما يلزمنا للخروج من الصفقه سالمين رابحين غانمين يا عبد المعين ملاحظة اخرى هامه على المضاعفات العكسية مش شرط نعكس العملية بعد كل مضاعفة ممكن نعكسها بعد كل عمليتين مثلا يعنى بعنا الاول .. ممكن نبيع تانى وبعد كدا نشترى ونرجع كمان نشترى وبعد كدا نرجع نبيع تالت .... وهكذا   29-06-2009, 12:01 PM   #5 (permalink) Misho Elmasri فوركساوي قديــر   رد: طريقة مستوى 38 فيبوناتشى التصحيحى مع المضاعفات كما لاحظنا فى المثال الاخير على الكيبل انه يمكن تغير نسبة المضاعفة و تغير الهدف وتغير عدد النقاط الفاصله بين مراحل المضاعفة وتغيير كل حاجه تبعا للمود .. المزاج يعنى بس فى حاجه مهمه .. لما حضرتك تشتغل مضاعفات .. وهتحكم المود .. لازم المود دا كمان يبقى محكوم بخطه وخطه محكمه كمان ما تخرش الميه .. علشان ما فيش ستوب .. والميه كتير .. وممكن تغرقنا كلنا واهم ما فى الموضوع التجربه العمليه .. عشان الحوار فى حسبات كتير وقصص كدا ما تحاولش تظبطها ع الورق بس .. مش هينفع يا مان .. لازم تجرب يبقى الاول نقى واختار يا عبد الجبار .. وبعد كدا جرب براحتك وخد وقتك = وبما اننا جيبنا سيرة المود وبما اننا قولنا ان الموضوع جامع لعدة محاور واشكال وممكن التحكم فيها والتغيير ما بينها تبعا للمود .. يبقى هنعرض المتواليات اللى ممكن استخدامها فى المضاعفة ممكن نشتغل كدا 1 - 2 - 4 - 8 - 16 - 32 -64 ... ودى اكثرها ربحا و اشدها خطوره .. واكثرها حاجه لراس مال كبييييييير ومع كل مضاعفة جديده بيزيد الربح فى حالة تم الخروج بنجاح وممكن نشتغل كدا 1 - 1 - 2 - 3 - 5 - 8 - 13 - 21 - 34 ... تبعا لمتوالية الفيبوناتشى ودى اقل ربحا واقل خطوره واقل حاجه لراس مال كبير   29-06-2009, 12:01 PM   #6 (permalink) Misho Elmasri فوركساوي قديــر   رد: طريقة مستوى 38 فيبوناتشى التصحيحى مع المضاعفات قبل ما ننقل من جزئية المضاعفات وندخل على الاستراتيجية واساس الموضوع بقى قبل ما تناموا منى فى حاجه مهمه جدا جدا جدا واهم من اللى فات كله خشلى بقى بالموسيقى التصويرية بتاعت فيلم العار يا عم المخرج وارعبلى المشاهد شويه .. علشان الناس بدأت تطمن زياده عن اللزوم ودا اللى كنت خايف منه تحذير المخاطر لما بتفتح اى سايت لاى شركة وساطه او اى سايت ليه علاقه بالماركت بتاعنا من قريب او من بعيد بتلاقى حاجه اسمها تحذير المخاطر بيتضمن التحذير دا كلام خاص بخطورة الماركت بتاعنا و العمل باسلوب الهامش وما الى ذلك طب اللى كتب التحذير دا حط فى باله انه اكيد فى ناس بتشتغل بستوب لوس الستوب لوس اللى هو صمام الامان .. الحارس الامين على اموالك و اللى بيحميك من اى حماقة قد يرتكبها السوق فى حقك امال بقى صاحب السايت دا لو عرف انك هتشتغل مضاعفات هيعمل ايه عارف .. لو بيخاف عليك بجد .. يبقى هيحطلك 5 تحذيرات .. واحد منهم عام زى اللى بتشوفه .. والاربعه التانيين عن تحذيرات من المضاعفات بس .. الكلام دا لو بيخاف عليك طبعا وبما ان اخوكوا محمد بيخاف عليكوا يبقى هيقولكوا كلمتين خلوهم فى بالكوا دايما لو فكرتوا ولو للحظه فى المضاعفات المضاعفات سلاح ذو 5 حدود .. واحد منهم فى صالحك و 4 ضدك اسمع يا سيدى بما اننا مش هنقفل الصفقه على خساره .. يعنى سعادتك هتنسى مؤقتا الخروج السريع من الصفقه دا ممكن الصفقه تقعد معاك يوم واتنين و اكتر اذا لزم الامر وممكن طول الوقت دا تشوف الشاشه قدامك حمراااااا .. ويمكن سودا لو انت مش متفائل زيى المضاعفات حتى قبل الحساب الكبير محتاجه قلب حديد .. برود .. صلابه .. ثقه بالنفس .. لانك ممكن تفضل تغرق تغرق تغرق .. وفين وفين فى الاخر هوب يجيى اللى يطلعك وبربح كمان هل عندك استعداد انك تفضل تلت اربع تيام تغرق .. عما حد يعبرك .. لو هتشتغل بالمضاعفات يبقى لازم يكون عندك استعداد لاسؤ من دا على فكره انا مش بعقدك .. بس بتكلم فى اسؤ اسؤ الظروف وع الورق كدا لو فكرت انت فيها ولاقيت ان السعر فضل يعاكسك اكتر من مرحلة من مراحل المضاعفات .. هتلاقى انك فعلا هتدخل فى دوامه كبيره قوى بس صدقنى ليها اخر .. مهما طال الوقت ليها اخر وعشان هى ليها اخر يبقى لازم ثقتك بنفسك تكون حاضره .. وامكانية انك تقدر تشتغل تحت ضغط كمان تبقى حاضرة .. و صدقنى ضبط نفسك والتزامك هما الطريق للخروج بأفضل النتايج فى اسؤ الحالات ما ينفعش تيجى بعد المرحله الرابعه ولا الخامسه وتتعب وتمل و تجيب اخرك .. ممكن قوى تخرج بخساره كبيره جدا و فجأه بعدها بكام ساعه تلاقى السوق بيضحكلك زى بابا نويل وهو جايبالك هديه تخرجك من كل مشاكلك .. بس للاسف هتكون انت مشيت يا معلم دى حاجه التعديل الأخير تم بواسطة Misho Elmasri ; 28-07-2009 الساعة 12:23 PM.   29-06-2009, 12:02 PM   #7 (permalink) Misho Elmasri فوركساوي قديــر   رد: طريقة مستوى 38 فيبوناتشى التصحيحى مع المضاعفات الحاجه التانيه اننا زى ما طلبنا امكانيات نفسيه قويه جدا .. هنطلب كمان امكانيات ماديه اه يا باشا .. ماهو ما تفكرش انك لو برنس ودماغك عاليه وشخصيتك قويه يبقى خلصت وانتهت وبكره هتبقى مليونير لا لا .. انت غلطان .. لو بصيت ممكن تلاقى عامل المجارى اللى فى شارعكوا عنده نفس الامكانيات دى كلها .. بس مش لاقى ياكل عارف ليه .. لان فى الزمن دا اللى معاه قرش يسوى قرش .. واللى مش لاقى ياكل .. بيموت جعان يا عم كمان اللى عاوز يشتغل مضاعفات .. لازم يبقى معاه فلوس كتير مش كتيره ملله .. بس كتير وخلاص المضاعفات بتحتاج حاجتين مهمين جدا ولازم بينهم تناسب 1- حساب كبير 2- نسبة دخول بسيطه وحسب حجم حسابك يا حماده هتكون نسبة دخولك لان خد بالك من حاجه مهمه .. مع المضعفات .. المرحله الاولى مهمه جدا جدا .. لانك لو زودت فيها لوت مثلا .. يبقى فى المرحله التانيه ممكن اللوت دا يبقى لوتين .. والتالته يبقى 4 .. و الرابعه يبقى 8 لوتات .. مصيبه يعنى شوف كدا لو هنشتغل بالمتواليه دى 1-2-4-8-16-32 .. لنتفرض ان الرقم دا هو عدد اللوتات اللى هتشتغل بيهم طيب نفترض تانى انك بدل ما تبتدى ب 1 لوت .. تبتدى ب 2 لوت اتفرج كدا على شكل المتوالية هيبقى عامل ازاى 2-4-8-16-32-64 .. فى الحالتين لو ما حسبناش اول مرحله على انها مضاعفة .. يبقى هنقول اننا وصلنا للمضاعفة ال 5 عدلى كدا عدد اللوتات بعد المرحله الخامسه فى الحالتين الحاله الاولى = 63 لوت الحاله التانيه = 126 لوت يا ساتر يارب .. شوفت بقى الفرق .. كل دا عشان زودنا بس لوت واحد فى اول خطوه اذا نسبة دخولك هام جدا ان تكون قليله وبسيطه .. وكلما قلت كلما كانت الامكانية اكبر لتفادى المشاكل وحسابك لابد وان يكون كبير نوعا تبعا لنسبة دخولك علشان يتحمل الصدمات و المشاكل فى اقصى الظروف وعلى سبيل المثال لو معاك حساب ب 5000 $ .. هتبقى نسبة دخولك كام ؟ فى حد ممكن يقولى 5 عقود مينى وفى حد ممكن يقولى 3 عقود مينى وانا بقى هقولهم انسوا الكلام دا لو هتشتغل مضاعفات نسبة دخولك ممكن توصل لعقد 1 ميكرو و تزيد حتى 5 عقود ميكرو فى اقصى الظروف على سبيل المثال واحسبها مع المضاعفات و المراحل المتقدمه وهتعرف انى بكلم صح طيب .. هايجى واحد يقولى يعنى انت طلبت منى حساب كبير وفى نفس الوقت نسبة دخول بسيطة يبقى انا كدا بحرق وقت وبنزين ع الفاضى هقوله يا مان ما فيش حاجه ببلاش ( والا كان صاحبنا بتاع المجارى اشتغل فوركس ) .. وطالما عاوز تشتغل بطريقه نسبة خطأها 0 فى الميه يبقى لازم تضحى .. والتضحيه هنا هتبقى بالربح الكبير بحثا عن ربح صغير و مستمر .. وهذا هو شعار الناجحين فى سوقنا هذا ربح قليل مستمر ولا كثير منقطع   29-06-2009, 12:02 PM   #8 (permalink) Misho Elmasri فوركساوي قديــر   رد: طريقة مستوى 38 فيبوناتشى التصحيحى مع المضاعفات ان شاء الله اكون قدرت اوصل ولو فكره بسيطه عن المضاعفات وانا اسف جدا على الاطاله .. لكن حسيت انه كان لابد منها طبعا كل ما سبق هو موجه للاخوه اللى ما يعرفوش عن المضاعفات واللى مهتم فقط بالطريقه اليك السطور القادمه ومره اخرى الطريقه ليست ابتكارى ولكن هى تجميع لعده افكار تم التعرض لها سابقا .. سواء كان المقصود المضاعفات او استخدام مستويات الفيبوناتشى التصحيحية   29-06-2009, 12:03 PM   #9 (permalink) Misho Elmasri فوركساوي قديــر   رد: طريقة مستوى 38 فيبوناتشى التصحيحى مع المضاعفات نيجى بقى للمهم فى السطور الماضيه تحدثنا عن كيفية التعامل مع الصفقة المفتوحه فعلا لكن لحد دلوقتى ما اكلمناش على اى اساس هنشترى .. واى اساس هنبيع والمهم قوى بقى .. على اى اساس هنضاعف احنا ممكن على فكره نقضيها عشوائى .. يعنى نشترى من اى مكان ونبيع من اى مكان .. وتبقى هيصه .. وعلى فكره هنكسب ان شاء الله بس ليه ما نزودش نسبة نجاح الصفقه .. و نقلل نسبة اللجوء للمضاعفات يعنى مكسب من اول خبطه ... ونشوف غيره ونوفر وقت وجهد وحرقة دم واعصاب .. = فى الردود اللى فات حددنا عدد بيبات معين .. هنضاعف كل ما السعر يحرقه سواء 50 بيب او 100 بيب او خلافه .. المهم انه كان عدد محدد ومعين .. ولم نحدد طريقة الدخول بس انا عندى فكره تانيه ليه ما نتاجرش على اساس علمى من البداية ؟ و ليه ما نضاعفش على اساس علمى كمان .. مش يكون افضل ؟ طبعا يكون افضل طب نشترى على اساس علمى وفهمناها وليه خمسين الف طريقة .. لكن ازاى هنضاعف على اساس علمى .. ممكن نضاعف على اساس علمى عن طريق المستويات طبعا المستويات هى افضل وسيلة علميه نضاعف باستخدامها لانه كلما تحرك السعر مسافة معينة .. لابد وان يقابل فى طريقه مستويات اما دعم او مقاومة بس فى مشكله .. تناسق وتوالى المستويات على الشارت .. ممكن ما يخدمش الصفقه .. ممكن يوجد تباعد كبير بين المستويات او تقارب كبير ومن هنا لجأنا لاداه على الشارت تضمن لنا داااااائما وجود مستويات دعم او مقاومة و الاجمل انها دائما ما تكون المسافات بينها متناسبه نوعا ما انها اداة الفيبوناتشى التصحيحى الساحرة .. ولمزيد من الشرح للاداه تفضل مشكورا الى الرابط التالى http://forexawy.com/yaenssocaei-cauc...caeoiiiie.html ============= من اهم مستويات الفيبوناتشى التصحيحى .. مستوى 38.2 .. واسأل عليه اى حد .. هيقولك كفائه .. وهيقولك كمان انه غالبا عند توافر نية التصحيح لدى السعر .. غالبا ما يقوم بتصحيح نسبة 38.2 من حركة الموجه .. ويعاود ادارجه من جديد .. حلوه يعاود ادراجه دى .. هى حلوه فعلا .. واحلى ما فيها ان احنا محتاجينها جدا جدا .. الفكره اننا هنعتمد على مستوى واحد فقط فى الدخول وهنعتمد على باقى المستويات فى المضاعفة او الخروج لو افترضنا ان مستويات الفيبوناتشى التصحيحى امامنا ع الشارت هتبقى بالشكل دا 0 23 38 50 61 76 100 هنقوم باختيار اى موجه .. مهما كانت صغيره او كبيره حسب الرغبه .. ولنفترض ان الموجه صاعده بمجرد تكوين الموجه وبداية انحراف السعر هابطا مكونا قمة ونهاية للموجه .. هنقوم بسحب مستويات الفيبو لتظهر كما هو اعلاه وننتظر .. ننتظر وصول السعر للمستوى الساحر 38 فيبو ومن هنا نقوم باول مرحلة من مراحل الصفقة ونقوم بالشراء ( عكس اتجاه التصحيح مع الموجه الاصليه ) بهدف مستوى 23 فيبو وكالعاده امامنا احتمالين اما ان يرتد السعر احتراما وتبجيلا للمستوى 38 .. ويصل لمستوى 23 فيبو مره اخرى محققا اهدافنا العظمى او هيكمل طريقة الملعون .. بس فى الحاله دى هيقابل مستوى 50 فيبو .. حلو قوىىىىىىىى وهو دا اللى احنا عاوزينه .. من عند 50 فيبو هنقوم بالمرحلة التانيه من المضاعفات .. وهنشترى تانى وهكذا الى اخره مع مستويات 61 و 76 و 100 وشغال معاه للاخر وصلت الفكره .. ؟ طب فى اسلوب تانى ممكن المضاعفه تبقى فى اتجاه الصعود من عند مستوى 50 و مستوى 61 .. وفى حالة كسر مستوى 61 .. نعكس و تبقى المضاعفة التالته بيع مش شراء .. زى ما تم شرحه اعلاه .. وهنا بنعتمد على المقولة الخاصه بمستوى 61 والتى تقول انه فى حالة كسر او اختراق مستوى 61 .. يكون الاتجاه قد تغير ولا يعد الهبوط فى هذه الحاله تصحيح ولكنه يتحول اتجاه جديد .. طبعا فى حالة هبوط السعر بعد كسر او اختراق مستوى 61 ممكن يبقى الهدف مستوى 76 .. او المسافة مش كافية ممكن يبقى مستوى 100 طب لو السعر رجع للصعود بعد ما بعنا .. هنستمر فى البيع مع من مستوى 50 مره اخرى .. بهدف العوده لمستوى 61 ... وهكذا برده فكره ممتازه طب فى اسلوب تالت للحذرين جدا اعتمادا على نسبة نجاح الصفقات ممكن نشتغل بستوب لوس فى حالة فشل كل المحاولات و اغلق السعر اسفل مستوى 76 برده فكره كويسه .. لكن طبعا بتحتمل خساره وغالبا خساره كبيره .. بس الاعتماد فيها بيكون على انه من النادر ان يقوم السعر باختراق كل المستويات دون ادنى تصحيح فى اى مرحله من المراحل مثال توضيحى لاحد الحالات EUR USD - 1H دى كانت تلت حالات لاستغلال المستويات التصحيحه مع المضاعفات وانت وشطارتك بقى اعمل باك تيست و جرب مع اللى يعجبك ونصيحة منى مع الطريقة دى اهتم بزوج اليورو دولار .. وممكن تشتغل بالطريقه على الفريم اللى يعجبك .. بس انا بفضل يعنى الربع ساعه و الساعه و الاربع ساعات وان شاء الله قريبا فى متابعة الطريقة و التجارب هنهتم بزوج اليورو دولار تحياتى للجميع التعديل الأخير تم بواسطة Misho Elmasri ; 28-07-2009 الساعة 12:27 PM.   29-06-2009, 01:32 PM   #10 (permalink) مصطفى فارس فوركساوي قديــر     رد: طريقة مستوى 38 فيبوناتشى التصحيحى مع المضاعفات تسلم ايديك ياميشو ,, شرح وطريقة ممتاز كالعادة ربنا يبارك فيك يازعيم تحياتى   صفحة 1 من 26 1 2 3 4 5 6 7 11 > الأخيرة » « سؤال محير | الكيبل للبيع من 1.6645 » الذين يشاهدون محتوى الموضوع الآن : 1 ( الأعضاء 0 والزوار 1)   (عرض الكل)  الاعضاء الذين شاهدو هذا الموضوع: 128 10pips, aboali404, abufaisal3248, مافيا الفوركس, adel22, ADHAM, أبو معاذ الثاني, ahah, ahmad bagio, Ahmed Elgear, AHMED HAMOUDA, ahmedamer, أحمد شوقى, لينا, alanyaber, alking, alshreef2005, ameer80, AMG, anas55, مصطفى فارس, atto, aziz92, المليونيرة نور, التائب اليك, الخالد, ابن البلد, ابو جود, ابوعبدالله المرزوقي, ابوعبيد, chanel, ايمن العقرباوي, اسامه امين, coleman, combo, cyclar, donalduck313, dooor, Dr.SeMSeM, drm00dy, ehab mostafa eid, ELMAALY, بن جحلان, faissal, faouzi21, faridns, femtogold4, forexman, general, ghost-egypt, hamza87, hero_007, honze, جمال بسيس, خالد عامر, حاتم, حاتم اسماعيل, ياسر, ياسرابوعمر, جرين اسكرين, حسين الصائغ, جون ميرفى, JALLOULI, kamell28, kemba, Khalid Elrayah, lord eva, mahdi_zahran, mahmoud samir, mahmoud sbaiti, mayiosa, meroman, Misho Elmasri, mkq202, mnageeb, mofa, Moo, mostafa87, Mounir, MR:LeGo, mrgmm, nader_ph, nazo2007, راحل, Nesr, nohair, nonomoon, nouk_101, صياد الفوركس, OkAzAkI, oudathothefa, porto, qadsya_7adeed, raed_78, rafiek, raid, ramiabal, remon2009, ROMAnista, rugood, SAdLove, saly, silverhawk145, sirgaso, sord, Tamer Adel, tarek7oot, Themask, totsh, عمر حلاق, عمران حسن, عبدالله حسن, user0101, عــيــنــاوي, vipvip, waleed, waleedalgabr, windy, wolf_lb, XPS, yousef yaghi, zizo, ناجي جاب الله, نادر الرفاعي, وسام النوباني أدوات الموضوع مشاهدة صفحة طباعة الموضوع أرسل هذا الموضوع إلى صديق انواع عرض الموضوع العرض العادي الانتقال إلى العرض المتطور الانتقال إلى العرض الشجري تعليمات المشاركة لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Trackbacks are متاحة Pingbacks are متاحة Refbacks are متاحة قوانين المنتدى المواضيع المتشابهه الموضوع كاتب الموضوع المنتدى مشاركات آخر مشاركة حصريا:المضاعفات باستخدام خط التوازن(وداعا للخسائر) متداول-متميز الإستراتيجيات وطرق التداول 422 04-07-2010 06:45 AM way of the turtle (طريقة السلحغاة) متداول-متميز الإستراتيجيات وطرق التداول 33 02-01-2010 11:05 PM التداول علي طريقة جون ميرفي متداول-متميز فوركساوي التعليمي 4 12-07-2009 09:26 PM عزيزي العضو/الزائر.. نحيطك علماً بأن مواضيع المنتدى لاتمثل رأي الإدارة وإنما تمثل رأي كاتبها.